SPANJE

Ish- e dashura e Mbretit të Spanjës, Juan Carlos, ka rrëfyer se ai i bëri dhuratë 65 milionë euro, për t’i treguar se sa e donte dhe sa rëndësi kishte për të.
Në një intervistë për Bbc, sipërmarrësja gjermane Corinna Larsen flet për herë të parë për historinë e saj të dashurisë me mbretin e Spanjës.

82-vjeçari i cili është i martuar me Mbretëreshë Sofia që nga viti 1962, pati një lidhje jashtë martesore me biznesmenen me origjinë daneze Corinna Larsen gjatë viteve 2004-2009.

“Juan Carlos i tha babait tim se ishte i dashuruar dhe kishte ndërmend të martohej me mua”- tha 55-vjecarja në Intervistë. Në intervistën për BBC Corinna Larsen, e divorcuar dhe me dy fëmijë, rrëfeu se si u josh nga mbreti Juan Carlos.

‘Bashkë qeshnim shumë, dilnim për darka, pinim bashkë, kënaqeshim shumë. Martesa e tij me Sofian nuk ishte problem për ta, pasi kishin vetëm një marrëveshje bashkë për të përfaqësuar kurorën, ata bënin jetë të ndara dhe të ndryshme.

Në atë kohë mbreti sapo kishte dalë nga një tjetër histori dashurie dhe ishte i vendosur që do të ndahej nga bashkëshortja për t’u martuar me mua”- tregon më tej 55-vjecarja. Por lidhja e tyre nuk ishte dhe aq sekrete pasi të dy takoheshin me fëmijët e njeri-tjetrit.

Madje Juan Carlos nderoi gjithashtu djalin e të dashurit të saj me një transferim prej 65 milionë eurosh në një llogari në Bahamas nga një depozitë zvicerane.

Ish- e dashura ka rrëfyer se dhurata ishte simbolikë për t’i treguar se sa e donte dhe sa rëndësi kishte për të. Mirëpo ajo ka treguar gjatë intervistës për BBC-në, se monarku dy vite më vonë ia kishte kërkuar mbrapsht milionat e dhuruara.

Historia e dashurisë së tyre zgjati 5 vjet dhe përfundoi kur Juan Carlos i rrëfeu në funeralin e babait të saj, se kishte një histori tjetër prej 3 vitesh. Juan Carlos ka qenë mbreti i Spanjës në vitet 1975 – 2014 për t’ia lënë më pas djalit të tij Felipe.

  • foto galeri
  • foto galeri

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb