Kur Franca këtë verë prezantoi “lejen shëndetësore për Covid-19”, 25-vjeçarja e quajtur Lexa, e cila ishte kundër vaksinave, vendosi të anashkalojë rregullat duke blerë një “leje të rreme shëndetësore” “në mediat sociale”.

Por, menjëherë pasi ishte regjistruar me mashtrim si e vaksinuar, ajo u sëmur rëndë nga Covid-19.

“Isha e rrëzuar”, ka thënë ajo për FRANCE 24.

Edhe në kulmin e pandemisë në Francë, kur numri i të vdekurve në vend ishte mbi 500 në ditë, 25-vjeçarja parisiene Lexa* kurrë nuk besoi vërtet në rreziqet e coronavirusit.

Të paktën jo për të rinjtë si ajo.

“Për mua, ishte diçka që prekte vetëm njerëzit e moshuar. Dhe nëse do të ishit i ri, si unë, mund të kishit dy ose tre simptoma për të treguar nëse jeni prekur, por kjo ishte e gjitha”.

Kështu, për Lexa, vaksinimi kundër Covid-19 nuk ka qenë kurrë një opsion.

“Unë kam shumë arsye pse nuk doja të vaksinohesha, por arsyeja kryesore është se nuk mendoja se është hulumtuar sa duhet. Ka ardhur shumë shpejt, dhe sipas mendimit tim, duhen vite për të shpikur një vaksinë [të sigurt]”.

“Dhe në çdo rast, unë kam qenë gjithmonë e filozofisë që nëse supozohet të vdes, do të vdes”, ka thënë ajo, duke vënë në dukje se ishte plotësisht e gatshme të pranonte rreziqet që lidheshin me vendimin e saj për të mbetur e pavaksinuar.

Por kur qeveria këtë verë prezantoi “lejen shëndetësore Covid-19” – një certifikatë dixhitale që vërteton se një person ose është plotësisht i vaksinuar kundër coronavirusit ose ka rezultuar negativisht kundër tij – për të hyrë në hapësirat publike si bare, restorante dhe kinema, Lexa ndjeu se autoritetet kishin shkuar shumë larg, duke ndërhyrë shumë në jetën dhe vendimet e saj personale.

“Unë as nuk mund të shkoja në palestër”, tha Lexa e frustruar, e cila kishte filluar një program ambicioz për humbje peshe në një përpjekje për të hequr peshën që kishte shtuar gjatë tre bllokimeve të Francës të shkaktuara për shkak të Covid-19.