Rrezatimi nga antenat e telefonisë celulare në Shqipëri është nën kufijtë e përcaktuar ligjor dhe nuk paraqet rrezik për shëndetin e njerëzve.

Është ky rezultati i monitorimit të parë nga Autoriteti i Komunikimeve Elektronike dhe Autoriteti Postar. Monitorimi u krye përgjatë dy muajve, shkurt e mars, në disa qytete të vendit, si Fier, Lushnje, Elbasan dhe Kavaje, kryesisht në zona të ndjeshme si shkollat, spitalet dhe institucionet e tjera.

Nivelet e referencës së ekspozimit, në vendin tonë, përcaktohen nga një rregullore e Këshillit të Ministrave të vitit 2012. Rezultatet e monitorimit nga Autoriteti i Komunikimeve Elektronike dhe Autoriteti Postar, janë pasqyruar edhe në mediat ndërkombëtare.

(BalkanWeb)