Neymar thuhet se do të dalë në gjyq në muajin tetor për “parregullsi në transferimin e tij te Barcelona”. Sulmuesi i PSG-së iu bashkua Barcelonës nga Santos në vitin 2013.
Por procedurat ligjore tani thuhet se janë hapur kundër sulmuesit brazilian dhe gjyqi do të zhvillohet vetëm katër javë para se të fillojnë ndeshjet e ‘Kupës së Botës’ kur Brazili do luajë kundër Serbisë më 24 nëntor.
Sipas ‘Fox Sports’, ish-presidentët e Barcelonës, Sandro Rosell dhe Josep Maria Bartomeu, gjithashtu do të gjykohen pasi ata përballen me akuzat për “korrupsion dhe mashtrim” në lidhje me kalimin e Neymar nga Santos në “Camp Nou” në 2013. Gjyqi do të mbahet nga 17 tetori në 31. Dhe prokurorët mendohet se kërkojnë një dënim me dy vjet burg për futbollistin e Amerikës së Jugut.
Siç raportohet nga ‘El Pais’, gjyqi është rezultat i një ankese të paraqitur shtatë vjet më parë nga DIS – një kompani braziliane e cila fokusohet në tregun e futbollit. Ata zotëronin 40 për qind të “të drejtave federative” të Neymar ndërsa ai ishte në Santos.
DIS pretendon se janë mashtruar nga Neymar, të afërmit e tij dhe Barcelona dhe kërkojnë kompensim prej më shumë se 126 milionë euro. Si prokuroria ashtu edhe DIS pretendojnë gjithashtu se në vitin 2011 lojtari dhe babai i tij nënshkruan dy kontrata të simuluara me Barcelonën pa e njohur që të drejtat e tij i përkisnin Santos.
Dhe një nga ato marrëveshje, me vlerë 33 milionë funte, dyshohet se është bërë pas Santos dhe DIS. Në vitin 2016, DIS tha: “Barcelona dhe lojtari thyen rregullat e FIFA-s dhe ndryshuan konkurrencën e lirë në tregun e transferimeve”. Edhe pse prokuroria kërkon një dënim me dy vjet burg, DIS kërkon një dënim me pesë vjet dhe që ai të largohet nga futbolli për të njëjtën kohë.
Ata gjithashtu duan që prindërit e Neymar të shkojnë në burg për pesë vjet – ndërsa prokuroria kërkon dy vjet për babanë e tij dhe një vit për nënën e tij. Në vitin 2017, Neymar u urdhërua të gjykohej në një gjykatë spanjolle për mashtrim lidhur me marrëveshjen e vitit 2013.
(BalkanWeb)
