Goglat e shortit të Conference League i ka zbuluar ish-kapiteni i Kombëtares shqiptare, Altin Lala. Roma e Marash Kumbullës do të përballet me holandezët e Vitesses.
Finalja e këtij kompeticioni do të zhvillohet në Tiranë më 25 maj, në stadiumin “Air Albania”.
MARSEJË – BAZEL
LEISTËR – REN
PAOK – GENT
VITESHE – ROMA
PSV – KOPENHAGEN
SLAVIA PRAGA – LASK LINZ
BODO/GLIMT – AZ ALKMAR
PARTIZAN BEOGRAD – FEJNORD
Lala, në një prononcim të shkurtër përpara nisjes së shortit, u shpreh i lumtur që një finale europiane do të luhet në Tiranë, duke e konsideruar si një nga eventet më të madha të organizuara në vendin tone, ndërsa foli edhe për rëndësinë e kompeticionit dhe ekipet që e kanë impresionuar më shumë. “Është eventi më i madh i organizuar ndonjëherë në Shqipëri dhe jemi shumë të lumtur e mezi po presim që të zhvillohet ky event në Tiranë”.
Rëndësia e këtij kompeticioni? – Është i rëndësishëm për klubet e tjera që të kenë një shans për të fituar Conference League dhe mendoj se është një shans i drejtë për klubet e vogla.
Ekipet që më impresionojnë? – Mendoj se kemi ekipe të mëdha. Roma, Leicester, Marseille. Ndoshta njëra prej tyre do të shkojë në Tiranë. Kështu shpresoj.
