Gazetarja Rudina Xhunga komentoi në rubrikën “Opinion”, në News24, zhvillimet e fundit të aktualitetit në Shqipëri dhe Kosovë.
Xhunga e cilësoi një lajm të mirë krijimin e qeverisë së re në Kosovë, duke thënë se politika veproi shpejt, duke iu bindur Gjykatës Kushtetuese, dhe duke mos e lënë situatën të shpërthejë.
Më tej, duke u ndalur te zhvillimet e fundit në vend për Reformën Zgjedhore, gazetarja theksoi se shpreson që edhe te ne të vijë dita si në Kosovë, ku palët t’i binden Gjykatës Kushtetuese, ndërsa shtoi se ata duhet të gjejnë gjuhën e përbashkët për këtë reformë, pasi në të kundërt do të dëmtojnë veten.
Për përdhunimin e të miturës nga roja i shkollës, Xhunga foli me tone të ashpra, duke thënë se e gjithë shoqëria duhet të bashkohet kundër pedofilëve.
“Mendoj se kjo që ndodhi është një lajm i mirë, se ndodhi shpejt dhe nuk i lanë kohë situatës për të plasur. Ata reaguan shpejt, e dëgjuan Gjykatën Kushtetuese”, tha Xhunga.
Vendimi nga ana e Kosovës, ku nuk lejohen të kalojnë qytetarët shqiptarë, a është i drejtë?
Atë e vendos qeveria e Kosovës, e pati qeveria në ikje e Kosovës. Nuk ka asnjë ligj që më ndihmon për të bërë tamponin, nëse unë dua të shkoj në Kosovë. Ka një handikap, nuk shkon kjo gjëja. Uroj që qeveria në ardhje të bëjë një ndryshim. Megjithatë, ky nuk është momenti ku qytetarët shqiptarë do shkojnë në Kosovë, por e kundërta, pasi është koha për të ndarë detin.
Përdhunimi i të miturës nga roja i shkollës, nesër do të ketë një protestë nga vajzat, si e shihni?
Çdo nismë që na bën bashkë unë i bashkohen. Nuk është e thënë t’i bashkohesh duke qenë në protestë dhe unë nuk e di nëse do shkoj nesër, por secili duhet t’i bashkohet asaj, qoftë edhe nga shtëpia. Për sa i përket protestës nesër, ajo është sot, nesër, është protestë e përhershme e të gjitha nënave që edukojnë fëmijë. Tani është momenti për të bërë pyetjen ‘fëmijës sime kur mund t’I ndodhë kjoë?’ E kemi harruar Aishen, që e përdhoi një monstër, e la shtatzënë, i preu kokën. Unë nuk e harroj kurrë. E di çfarë do doja nesër, edhe pse kam akoma drojën e koronavirusit, në shesh apo jo, në ballkone apo jo, të gjithë duhet të bëhemi bashkë nesër e gjithmonë për të ndryshuar legjislacionet, që këta pedofilë të mos na përdhunojnë fëmijët.
Duket se këto kohë ka më shumë vëmendje fushata e racizmit, se sa përdhunohet. Mos është një formë mode kjo?
Modë është. Ajo që është në Instagram, është, nuk ka nevojë të hapësh Nju Jork Times për të lexuar. Në SHBA janë njerëz që u ndjenë të papërfaqësuar, është shpërthimi i turmave. Edhe ne jemi pjesë e kësaj bote të pabarabartë. Ajo që do të na e bënte botën më të mirë, është një botë e gjelbër, ku të jemi të barabartë. Ne mund t’i edukojmë fëmijët vetëm me vlerat tona dhe të besojmë që nuk do të ketë më kurrë një brez të ri të pandëshkuar.
Reforma zgjedhore… ku ngeci, pse palët nuk arrijnë në marrëveshje, kush po kërkon më tepër?
Nuk e di ku ngec. Unë uroj që reforma zgjedhore të kalojë, uroj ta bëjnë bashkë e t’i shkojnë deri në fund. Rasti më i keq, por edhe I mundshëm, është të kalojë vetëm me votat e mazhorancës dhe të shkojmë në zgjedhje sin ë qershor. Nëse duan të mos dëmtojnë së pari veten, mandej edhe publikun, duhet ta bëjnë bashkë. Zgjedhje të lira e të ndershme bëhen duke rënë dakord. Palët duhet ta gjejnë ku e kanë mesin e rrugës, te rezidenca e ambasadores Yuri Kim, apo te Soreca, se të shqiptarët nuk e kishin. Duhet ta gjejnë, sepse kjo do të ndikojë te karriera e tyre. Kur po vija, pashë dyqane me qira, po shfaqet kriza ekonomike, rrugës do të shfaqen edhe kriza të tjera. Le të merren me këtë, pastaj reforma zgjedhore. Mua më gëzon reforma zgjedhore, ku të bëhemi dhe ne si Kosova, ku politikanët i thanë ‘po’ Gjykatës Kushtetuese. Në këtë ditë ku ka shkuar Kosova, uroj të shkojmë edhe ne, pastaj le të ndërrohen qeveritë. Kurrë mos paçim reformë zgjedhore, nëse do të jetë kurbani i reformës në drejtësi. Kush nuk ka vullnetin do të zëvendësohet nga ata që kanë vullnetin, palët e dinë shumë mirë se janë të zëvendësueshëm.
(BalkanWeb)
