Ukraina i ka kërkuar BE që të përshpejtojë furnizimet me armë dhe të shtojë sanksionet për të luftuar pushtimin rus, ndërkohë Kievi po harton një projekt paqeje me qëllim vendosjen e armëpushimit.

Ministri i Mbrojtjes së Ukrainës Oleksii Reznikov , në një video-konferencë  me eurodeputetët, u shpreh se vendi i tij po lufton për mbijetesë përballë terrorit rus .

“Po ju them me përgjegjësi se Putin është Hitleri i ditëve të sotme. Nuk mund të flas pa emocione për ato metoda çnjerëzore me të cilat ata bëjnë luftë. Nuk është thjesht një luftë. Është terror shtetëror. Ushtria e agresorit po shkatërron me ndërgjegje popullsinë civile”, ka thënë ai shkruan “The Times”.

Gjithashtu Reznikov, tha se 400 shkolla, 110 spitale dhe 1000 blloqe apartamentesh banimi ishin shkatërruar në të gjithë Ukrainën që kur Putin filloi pushtimin.

Po ashtu ai pretendoi se më shumë se 14,000 ushtarë rusë ishin vrarë, por u kërkoi qeverive evropiane që të rrisin furnizimet e sistemeve antitank dhe anti-ajror sa më shpejt.

‘Ne do te fitojmë,” tha ai, duke kritikuar NATO-n për refuzimin e vendosjes së një zone ndalim-fluturimi. Rusët mund të ndalohen, fitorja mund të arrihet, por ne kemi nevojë për ndihmë. Sa më gjatë të hezitoni, aq më shumë do të perceptohet nga fëmijët dhe nipërit tanë si një krim kundër Ukrainës.”, ka shtuar ai.

Duke falënderuar BE-në për ndihmën financiare prej 500 milionë euro, Reznikov tha: “Ne kemi ende nevojë për më shumë armë vdekjeprurëse dhe mjete të tjera për të luftuar agresorin. Ne do të humbasim gjithnjë e më shumë jetë”, tha ai.

Hulumtimet kanë treguar se ndërsa disa vende të BE-së hezitonin të dërgonin armë në Ukrainë, ato vazhduan të furnizonin Rusinë me pajisje ushtarake me vlerë 346 milionë euro, duke përfshirë raketa, avionë, raketa, silurët dhe bomba, pavarësisht një embargoje armësh që hyri në fuqi në 2014.

Pavarësisht ndalimit të shitjes së municioneve pas aneksimit të Krimesë nga Rusia, dhjetë vende anëtare të BE-së përdorën boshllëqet ligjore për të furnizuar Rusinë me armë.

Të dhënat e analizuara nga Investigate Europe, një projekt i gazetarisë hulumtuese pan-evropiane, treguan se Franca ishte eksportuesi kryesor i armëve në Rusi me shitje në vlerë prej 152 milionë euro midis 2015 dhe 2020.

Eksportet përfshijnë kamera me imazhe termike për më shumë se 1000 tanke ruse, si dhe sisteme navigimi dhe detektorë infra të kuqe për avionët luftarakë dhe helikopterë luftarakë.

Në të njëjtën periudhë, Gjermania eksportoi në Rusi pajisje ushtarake në vlerë prej 121.8 milionë euro.

Reznikov tha se gjëja kryesore që komuniteti evropian mund të bëjë ishte të godiste Rusinë me sanksione më të ashpra, duke ndërprerë importet e energjisë që kapin vlerën deri në 800 milionë euro në ditë për Moskën.

“Këto sanksione duhet të jenë shkatërruese, plotësisht paralizuese për ekonominë ruse”, tha ai.

Ndërsa , për negociatat e paqes, ai tha se varet nga marrëveshja, nëse do të ketë një armëpushim, korridore humanitare, sigurimin e popullatës civile me evakuim.  Ne kurrë nuk do të pranonim asnjë kapitullim dhe forcat tona të armatosura janë të gatshme të rezistojnë. Juristët janë të përfshirë, politikanët janë të përfshirë, por nuk do të hyj më shumë detaje.”

Avokati i cili u bë një hero lufte:

Oleksii Reznikov, dikur një avokat i shkëlqyeshëm, ministri ukrainas i mbrojtjes, i lindur në Lviv, në Ukrainën perëndimore, ai është një simbol i gjallë i mënyrës sesi klasa politike e vendit, dikur e tërhequr nga lindja është zhvendosur drejt perëndimit, duke hedhur poshtë aleancën e vjetër me Rusinë në favor të lidhjeve më të ngushta me Evropën.

(BalkanWeb)