Autoritetet ruse raportuan se më shumë se 250 zjarre janë ende aktive duke shkatërruar më shumë se tre milionë hektarë tokë.

”Operacionet e shuarjes së zjarrit janë ende duke u zhvilluar në 180 zona të prekura që mbulojnë rreth 1,3 milionë hektarë”, tha autoriteti rus i mbrojtjes së pyjeve ”Avialesoochrana”.

”Zjarret e tjerë që digjen në rajone më pak të arritshme dhe nuk po shuhen sepse nuk kanë rrezik për njerëzit”, shtoi ai.

Zjarret po digjeshin veçanërisht ashpër në Yakutia, në Rusinë Verilindore, ku u shpall edhe gjendja e jashtëzakonshme.

Një gjendje e jashtëzakonshme është shpallur në tetë rajone.

”Pothuajse 400 fshatra në rajonin siberian të Krasnoyarsk u përfshinë nga tymi”, sipas agjencisë ruse të lajmeve, TASS.

”Avialesoochrana” tha se më shumë se 6 700 persona në të gjithë vendin po luftojnë për të vënë nën kontroll zjarret.

Rusia po lufton me zjarret më të mëdhenj në një shekull.

”Rreth 14,3 milionë hektarë janë djegur në vend që nga fillimi i vitit”, sipas organizatës mjedisore ”Greenpeace”.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: