Rusia ka shtuar sot në listën e të kërkuarve presidentin e Gjykatës Ndërkombëtare Penale (ICC), polakun Piotr Hofmanski, pa specifikuar arsyen.
“Kërkuar si pjesë e një hetimi penal,” tha ministria e brendshme në bazën e të dhënave të saj të personave të kërkuar në Rusi, sipas agjencive shtetërore të lajmeve Tass dhe Ria Novosti.
ICC lëshoi një urdhër arresti kundër Vladimir Putin në pranverë për rolin e tij në transferimin e detyruar të fëmijëve nga Ukraina në Rusi.
Edhe pse Rusia nuk është anëtare e GJNP-së, presidenti rus nuk lejohet të udhëtojë ndërkombëtarisht për shkak të këtij urdhër arresti. Kështu ai u detyrua të hiqte dorë nga samiti i BRICS i mbajtur në Afrikën e Jugut gushtin e kaluar.
Që nga maji, Moska e ka vendosur prokurorin e ICC-së, Karim Khan në listën e të kërkuarve.
Vladimir Putin dhe komisionerja e fëmijëve të tij, Maria Lvova-Belova, janë akuzuar nga GJNP për krime lufte për “transportimin e paligjshëm” të mijëra fëmijëve nga Ukraina. Moska i hedh poshtë akuzat.
