Presidenti ukrainas Volodymir Zelensky tha adresimin e tij të përnatshëm për kombin ukrainas, se koha deri në çlirimin e plotë të vendit është gjithmonë e më pranë dhe se është vetëm çështje kohe përpara se Ukraina të rimarrë gjithçka që i është pushtuar nga Rusia.

“Ukraina do të marrë gjithçka mbrapsht nga Rusia. kjo është diçka që as nuk vihet në diskutim.
Është vetëm çështje kohe. Çdo ditë, koha deri në çlirimin tonë shkurtohet. Gjithçka që bëjmë është për këtë qëllim”, është shprehur Zelensky.

Presidenti ukrainas tha se situata në Donbas mbetet e vështirë, veçanërisht në zonat e Severodonetsk, Lysychansk, Bakhmut dhe Popasna.

“Ne do të dominojmë pushtuesit me fuqi goditëse teknologjike dhe konvencionale. Shumëçka varet nga partnerët tanë. Ata janë të gatshëm t’i ofrojnë Ukrainës gjithçka që është e nevojshme për të mbrojtur lirinë. Kështu që pres lajme të mira për këtë tashmë, javën e ardhshme”, pohoi presidenti ukrainas.

Zelensky tha se forcat ruse shkaktuan goditje barbare në rajonin e Sumy duke përdorur raketa dhe mortaja. Ai iu referua gjithashtu sulmit rus të së shtunës në Mykolaiv, i cili goditi një zonë banimi 20 metra larg një kopshti fëmijësh, duke vrarë një person dhe duke plagosur shtatë të tjerë.

“I tillë ishte objektivi që zgjodhi Federata Ruse. Pa pushim veprime të tilla do t’i kujtojnë botës se Rusia më në fund duhet të njihet zyrtarisht si një shtet terrorist, një shtet sponsorizues i terrorizmit”, tha Zelensky.

Ai tha se forcat ruse po pengojnë ukrainasit që të evakuojnë rajonin Kherson.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb