Disa prej kampionateve janë kthyer në fushë, ndërsa në javët në vazhdim harta europiane e futbollit do të plotësohet me shumë prej ligave të tjera që rinisen pas ndërprerjes 3-mujore të detyruar nga pandemia e Covid-19.

Kështu, edhe qeveria ruse i ka dhënë “dritën jeshile” rifillimit të kampionatit më 19 qershor. Në këtë datë do të luhen dy përballjet e para Krilia Sovetov- Akhmat Grozny dhe Sochi-Rostov. Jo vetëm kaq, pasi Rusia do të lejojë në tribuna edhe një numër të limituar tifozësh. Një gjë të tillë e kanë bërë që tani disa shtete të tjera në Europë.
(balkanweb)