Gianfranco Zola beson se Eden Hazard ka akoma vend për t’u përmirësuar dhe mendon se belgu mund të konkurrojë për çmimin kryesor individual të futbollit.
27-vjeçari është votuar lojtari i 7-të më i mirë i vitit nga FIFA pas një Botërori të suksesshëm dhe ka vijuar me paraqitjet e nivelit të lartë te Chelsea këtë sezon.
“Sa më shumë luan Eden, aq më shumë përmirësohet,” shprehet ish-sulmuesi i Chelsea-t, që tani është asistenti i trajnerit Maurizio Sarri.
“Mendoj se Eden ka bërë një Botëror të shkëlqyer. Ai është një lojtar që sa vjen e përmirësohet.
“Nuk mendoj se e ka arritur maksimumin e tij.
Ai mund t’i përdorë aftësitë akoma më mirë. Sa më shumë të luash në nivelet e larta, aq më shumë eksperiencë ke, dhe përmirësohesh dhe mëson të përdorësh aftësitë e tua në mënyrë më efikase.”
BalkanWeb