Kryeministri Edi Rama i ftuar në emisionin “Real Story” në “News 24” tha se ka një dallim thelbësor mes rastit të ish-ministrit të Brendshëm Saimir Tahiri dhe ish-kryetarit të Bashkisë Durrës Vangjush Dako.

Rama u shpreh se Tahiri u vu zyrtarisht nën akuzë nga Prokuroria, kurse Dako thjesht është përfolur dhe nuk ka asnjë akuzë të komunikuar kundrejt tij. Kreu i qeverisë theksoi se kjo është arsyeja se përse sot Dako mban një post në PS, por nga ana tjetër nuk u kandidua më për kryetar të Bashkisë së Durrësit.

“Saimir Tahiri u vu nën akuzë nga drejtësia, ndërsa në rastin e Vangjush Dakos nuk ka asnjë dënim, por përflitet. Në rastin e Vangjush Dakos, nëse do të ndodhte që të ishte i dënuar siç ndodhi në Shkodër, do të përjashtohej menjëherë”, tha Rama.

(d.xh/Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb