Ish-deputeti demokrat, Ervin Salianji, i përgjigjet me ironi kryeministrit Edi Rama, pas deklaratave të tij për mandat të tretë nga Asambleja Kombëtare e PS.
Salianji shkruan në ‘Facebook’ se ‘gënjeshtari u zgjua dhe pa që mandati i tij kish fluturuar’.
Reagimi i Salianjit:
1001 përralla dhe një gënjeshtar! Na ishte një herë një gënjeshtar i gjatë 2 metra. Çdo ditë e çdo natë tregonte përralla me 3D dhe luante e tallej me 140 shokët ngjyrë mavi nga jashtë dhe sterrë nga brenda.
Një natë luanin vigani, shkurtanbiqi tek sheshi.
Natën tjetër kala dibrançe tek amfiteatri.
Natë tjetër raqi raqin rikiko tek bulevardi.
Një natë mbeti vetëm dhe filloi të luante fluturon, fluturon, pikërisht këtë natë, gënjeshtari u zgjua dhe pa që mandati i tij kish fluturuar.
Ëndrra në beze për çdo natë… #25 Prill
(BalkanWeb)
