Georgina Rodriguez ka qenë në krah të Amadeus në natën e tretë të Festivalit të Sanremos, si bashkë drejtuese e Festivalit të 70-të, të muzikës italiane.
Në rresht të parë nuk ka munguar as partneri i saj, futbollisti i famshëm i Juventusit Cristiano Ronaldo.
Në mes të shkëmbimit të flamujve dhe bluzave të Juventusit nga Ronaldo dhe Amadeus, i cili u përpoq të provokonte fansat e Juventusit me një bluze të Interit që kishte veshur, kamerave nuk i shpëtoi fytyra e qeshur e Cr7 gjatë prezantimit të Georginas, që me vështrimin e tij plot emocion i tha të gjitha.
Pas syve dhe buzëqeshjes me adhurim, Cristiano tundi edhe kokën në shenjë aprovimi të gjithçkaje që ajo tha.