TIRANE – Sekretari Amerikan i Shtetit, John Kerry pritet të zhvillojë një vizitë zyrtare në Tiranë, më 14 shkurt.

Lajmin e ka bërë të ditur vetë Departamenti Amerikan i Shtetit, i cili ka publikuar axhendën e sekretarit John Kerry¬. Sipas njoftimit, Kerry do të udhëtojë në Mynih të Gjermanisë nga 10 shkurti deri më 14 shkurt, për të marrë pjesë në Konferencën e Sigurisë.

Në 14 shkurt, sekretari Kerry do të udhëtojë drejt Tiranës, ku do të zhvillojë takime me krerët më të lartë të shtetit, me të cilët do diskutojë për proceset integruese të Shqipërisë.

Takimet e Sekretarit Amerikan të Shtetit me krerët e shtetit shqiptar do të kenë në qendër edhe bashkëpunimin e ngushtë Shqipëri-SHBA.
(er.nu/BalkanWeb)