Tre persona janë proceduar penalisht për kontrabandë. Uniformat blu bëjnë me dije se gjatë operacionit të koduar ‘Phones’ u sekuestruan edhe 95 aparate celulare, me vlerë totale rreth 3.700.000 lekë të rinj.

Njoftimi i plotë: Finalizohet operacioni policor i koduar “Phones”.

Operacioni, nga Seksioni për Hetimin e Krimit Ekonomik dhe Financiar të DVP Berat, në bashkëpunim me Prokurorinë Berat.

U kapën duke tregtuar aparate celulare, të dyshuara të kontrabanduara, procedohen penalisht 3 shtetas.

Sekuestrohen 95 aparate celulare, me vlerë totale rreth 3.700.000 lekë të rinj.

Specialistët e Seksionit për Hetimin e Krimit Ekonomik dhe Financiar të DVP Berat, në bashkëpunim Prokurorinë pranë Gjykatës së Rrethit Gjyqësor Berat, në vijim të punës për parandalimin, evidentimin dhe goditjen e veprimtarisë kriminale të kontrabandës me mallra të ndryshme, bazuar dhe në informacionet e marra në rrugë operative, organizuan dhe finalizuan operacionin policor të koduar “Phones”, si rezultat i të cilit u proceduan penalisht shtetasit:

– M. Sh., 31 vjeç, banues në Kuçovë, administrator subjekti;

-N. H., 24 vjeç, banues në Berat, administrator subjekti;

-A. B., 33 vjeç, banues në Berat, administrator subjekti.

Gjatë kontrollit të ushtruar në 3 subjektet (dyqanet) që këta shtetas administronin u gjetën dhe u sekuestruan në cilësinë e provës materiale 95 aparate celulare të markave të ndryshme, me vlerë totale rreth 3.700.000 lekë të rinj, për të cilët këta 3 shtetas nuk dispononin faturat tatimore përkatëse.

Materialet procedurale i kaluan Prokurorisë, për veprat penale “Tregtimi i mallrave kontrabandë”, “Fshehja e të ardhurave” dhe “Mospagimi i taksave dhe i tatimeve”.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: