Tre shqiptarë, një nga Lushnja dhe dy nga Kosova kanë rënë në prangat e policisë holandeze, pasi iu sekuestruan 1459 kg kokainë.

Mësohet se operacioni u zhvillua në Rotterdam. Mediat holandeze bënë me dije se në aksion u kapën 5 persona, një 43-vjeçar nga Lushnja, një 33-vjeçar nga Peja, një 55-vjeçar nga Mirusha e Kosovës, një 44-vjeçar nga Turqia si dhe një 32-vjeçar nga Issoire i Francës.

Sipas mediave, 5 të dyshuarit u arrestuan nën dyshimin e përfshirjes në import dhe transport të kokainës. Autoritetet në Rotterdam pohuan se të arrestuarit ishin në kërkim të dy kontejnerëve ku ishin fshehur sasi të drogës.
(BalkanWeb)