SERBI-Në Serbi transformimi i FSK-së në Ushtri po interepretohet në mënyra të ndryshme. Sipas disa analistëve të Beogradit, Ushtria e Kosovës përbën një kërcënim për serbët e veriut, transmeton lajmi.net.

Eksperti i çështjeve të konflikteve ndërkombëtare, Dragan Simeunovic thotë se procesi i transformimit të FSK-së në Ushtri është një proces i pamundur të ndalohet, ngase siç thotë ai, e njëjta i përshtatet edhe interesave të disa fuqive botërore, përfshirë edhe SHBA-të.

“Megjithatë, shqiptarët mund ta përdorin atë, sidomos para hyrjes në NATO, për okupimin e veriut”, thotë Simeunovic.

Ndërkaq, Igor Simic nga Lista Serbe thotë se veprime të tilla të Prishtinës janë të pamundura. Sipas Simic, komuniteti ndërkombëtar duhet ta ndalojë formimin e Ushtrisë së Kosovës.

“Ne në Prishtinë besojmë se të tilla veprime janë të pamundura, sepse të njëjtat do ta rrezikonin paqen. Kjo është pse komuniteti ndërkombëtar duhet të parandalojë formimin e Ushtrisë dhe të ndalojë akte të mundshme të dhunës”, thotë Simic për gazetën “Kurir”.

Kujtojmë se me miratimin e tri projektligjeve për FSK-në në Kuvend, i është hapur rrugë transformimit të kësaj force në ushtri.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb