Vllaznia është personifikimi më i qartë i këtij sezoni të çuditshëm. E nisën në heshtje, me shumë risi dhe pa një objektiv të qartë, vijuan më pas të shihnin nga Europa ndërsa në sfond u shfaq edhe titulli. Mjaftoi një fazë e errët për ti nxjerr nga loja ku u vendos në pikëpyetje i gjithë projekti por tani dy java përpara përfundimit të sezonit shkodranët mbetën në garë, jo vetëm për titullin por ndryshe nga katër vendet e para janë edhe në finalen e Kupës së Shqipërisë. Me të drejtë në Shkodër të gjithë festojnë pas fitores kundër Kastriotit, kreu është vetëm dy pikë larg ndërsa të premten përballen me Partizanit. Trajneri Brdaric nuk e fsheh emocionin për një situatë të tillë, me të drejtë për të ky është një sezon i veçantë:

“Një sezon i jashtëzakonshëm, jashtë normales. Të gjithë do të jenë të lumtur me këtë ecuri. Na vjen mirë dhe jemi krenarë që do luftojmë në 2 fronte. Shpresoj që në fund të sezonit të marrim diçka pozitive. Ti kënaqmi kësaj fitore, duhet të mbledhim forcat, duhet të mendojmë dhe të luftojmë për këto 3 finale që na kanë mbetur, për maksimumin e mundshëm”.

Haris Dilaver ishte autori i golit trepikësh, sulmuesi është në të njëjtën linjë me trajnerin, edhe ata janë në garë për titull por primarë në çdo rast mbetet europa:

“Sigurisht që ne jemi në luftën për titull, kemi gjithë kohës që luajmë mirë dhe meritojmë që së paku të jemi në Kupat e Europës”.

Për sfidën ndaj Partizanit, trajneri Brdaric do të ketë në dispozicion mbrojtësin Adili dhe Kalesiç që rikthen nga pezullimit ndërsa do të mungojë për shkak kartonësh Isaevski.

(BalkanWeb)