SHBA-ja njoftoi sot se kishte miratuar shitjen e 105 avionëve luftarakë për Japoninë, me një vlerë prej 23,11 miliardë dollarësh.

“Japonia kishte kërkuar blerjen e 63 F-35A, versioni tradicional i këtij avioni luftarak i destinuar për ushtrinë ajrore dhe 42 F-35B, versioni me ngritje të shkurtër dhe ulje vertikale të destinuara për transportuesit e avionëve”, njoftoi Departamenti amerikan i Shtetit në një komunikatë.

“Diplomacia amerikane ka vendosur t’i japë dritën e gjelbër këtij transaksioni i cili “do të forcojë sigurinë e një aleati të madh” në rajonin e Azisë-Paqësorit”, thuhet në deklaratë.

“Është në interesin jetësor të SHBA-së për të ndihmuar Japoninë të zhvillojë dhe të mbajë një kapacitet vetëmbrojtës solid dhe efikas”, shtoi Departamenti amerikan i Shtetit.

Buxheti japonez i mbrojtjes japoneze 2020/2021 arrin një rekord prej 50,3 miliardë dollarë, veçanërisht për të financuar blerjen e këtyre F-35 amerikanë.