Disa orë pas tërheqjes përfundimtare të SHBA nga Afganistani, Al Kaeda i ka dërguar urimet e saj talebanëve për atë që e cilësojnë fitore.

“Është një mësim dhe një shembull për të gjithë xhihadistët”, thuhet në deklaratën në anglisht dhe arabisht të raportuar nga Site, faqe që monitoron ekstremizmin islamik në internet.

Grupi terrorist gjithashtu u bën thirrje “masave” në Evropë dhe Azinë Lindore të “çlirohen nga hegjemonia amerikano-perëndimore”.

Ditën e sotme ishte afati i fundit që ushtria amerikane duhej të largohej nga Afganistani, ndërkohë që talebanët festuan në rrugë pas largimit të trupave të SHBA-ve.

(BalkanWeb)