Një ish-marins i Shteteve të Bashkuara, i cili kaloi gati tre vjet në burgjet ruse, po kthehet në shtëpi pasi Shtetet e Bashkuara dhe Rusia arritën një marrëveshje për të kryer një shkëmbim të burgosurish të mërkurën, pavarësisht prishjes së marrëdhënieve midis dy vendeve në vazhdën e agresionit rus mbi Ukrainë.

Shtetet e Bashkuara ranë dakord të dërgonin në shtëpi një trafikant rus droge që vuante dënimin me burg në Amerikë në këmbim të Trevor Reed, i cili po vuante një dënim nëntëvjeçar në Rusi.

Zyrtarët amerikanë kishin qenë në kontakt me prindërit e Reed dhe po punonin për lirimin e tij të paktën që nga viti i kaluar.

Reed është një ish-marins amerikan 30-vjeçar, i cili u arrestua në Moskë, ndërsa ishte në një udhëtim në Rusi në gusht të 2019, me të dashurën e tij Lina Tsybulnik.
(BalkanWeb)