Gjykata e Lartë e SHBA-ve ka marrë një vendim, me anë të së cilit i lejon presidentit amerikan Donald Trump të shfrytëzojë 2.5 miliardë dollarë nga fondi i Pentagonit për të ndërtuar një pjesë të murit me Meksikën.

Gjykata vendosi 5-4 me vota në favor të presidentit për të bllokuar një vendim të një gjyqtari federal në Kaliforni, i cili e pengoi presidentin që të shpenzonte paratë për ndërtimin e murit. Gjykata në Kaliforni kishte argumentuar se Kongresi nuk e kishte autorizuar në mënyrë specifike se fondet duhej të përdoreshin për ndërtimin e murit.

Vendimi i Gjykatës Supreme nënkupton se paratë do të përdoren për ndërtimin e murit në Kaliforni, Arizona dhe Nju Meksiko. Muri, që ndan SHBA dhe Meksikën, ishte premtim i Trump gjatë fushatës për zgjedhje të vitit 2016. Demokratët e kanë kundërshtuar ashpër këtë projekt.

Trump e ka cilësuar vendimin e Gjykatës së Lartë një fitore për sigurinë kombëtare dhe sundimin e ligjit.

(d.xh/Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb