Mijëra hektarë janë djegur dhe 3000 njerëz janë evakuuar nga shtëpitë e tyre për shkak të një zjarri të madh që shpërtheu mëngjesin e së martës në Ocean County, New Jersey , SHBA.
Sipas Shërbimit të Zjarrfikësve në Nju Xhersi, zjarri u përhap me shpejtësi. Që nga mëngjesi i sotëm, vetëm 10% ishin vënë nën kontroll, ndërsa shkaqet e shpërthimit të tij mbeten nën hetim.
Siç raportojnë mediat amerikane , deri më tani nuk raportohet për të lënduar, por më shumë se 1300 ndërtesa janë të kërcënuara nga flakët.
🚨#BREAKING: A major forest fire has broken out in parts of southern New Jersey, prompting evacuations as the blaze threatens nearby homes and buildings
Watch as residents in nearby towns scramble to evacuate while numerous law enforcement and emergency… pic.twitter.com/kOkGUUwRVu
— R A W S A L E R T S (@rawsalerts) April 23, 2025
Shefi i policisë së qarkut Ocean John Lombardi tha për rrjetin amerikan se disa biznese në një park industrial në qytetin e Lacey tashmë kanë pësuar dëme.
“Deri më tani, nuk duket të ketë dëme të mëdha në banesa, megjithatë, situata mbetet e rrjedhshme,”vuri në dukje ai.
Retë e dendura tymi kanë mbuluar zonën dhe autoritetet lokale kanë lëshuar një paralajmërim për banorët e qarkut për përkeqësimin e cilësisë së ajrit. Pamjet ajrore të publikuara nga mediat lokale tregojnë ndërtesa që tashmë janë djegur, ndërsa zjarrfikësit luftojnë për të mbrojtur strukturat e mbetura.
(BalkanWeb)
