Sekretari i Përgjithshëm i OKB-së Antonio Guterres bëri thirrje për veprim të bashkërenduar global për të reduktuar ndotjen plastike.
Çdo vit, në mbarë botën prodhohen mbi 400 milionë tonë plastikë, një e treta e të cilave përdoret vetëm një herë. Çdo ditë, ekuivalenti i mbi 2,000 kamionëve plehrash të mbushur me plastikë hidhet në oqeane, lumenj dhe liqene, tha Guterres.
“Pasojat janë katastrofike. Mikroplastikët i gjejmë në ushqimin që hamë, ujin që pimë dhe ajrin që thithim,” tha ai. “Plastika është bërë nga lëndët djegëse fosile. Sa më shumë plastikë të prodhojmë, aq më shumë lëndë djegëse fosile djegim dhe aq më keq e përkeqësojmë krizën klimatike.”
Por, ka zgjidhje, tha Guterres.
Vitin e kaluar, komuniteti ndërkombëtar filloi të negociojë një marrëveshje ligjërisht të detyrueshme për t’i dhënë fund ndotjes plastike, e cila është një hap i parë premtues, tha ai. “Një raport i ri nga Programi i Mjedisit i OKB-së tregon se ne mund të reduktojmë ndotjen plastike me 80 për qind deri në vitin 2040 nëse veprojmë tani për të ripërdorur, ricikluar, riorientuar dhe diversifikuar larg plastikës.”
Guterres bëri thirrje për veprim të bashkërenduar. “Qeveritë, kompanitë dhe konsumatorët duhet të punojnë njësoj, për të thyer varësinë tonë ndaj plastikës, për të mbrojtur zero mbeturina dhe për të ndërtuar një ekonomi të vërtetë rrethore. Së bashku, le të krijojmë një të ardhme më të pastër, më të shëndetshme dhe më të qëndrueshme për të gjitha”, tha ai.
