Eliminimi i pësuar nga Dudelanzh që në turin e parë të Champions League “djeg” shumë në shtëpinë e bardhebluve, ishte një eliminim që askush nuk e priste, të paktën jo në atë formë. Nuk është koha për të qarë atë dështim pasi sfida e radhës, këtë herë në Conference League, vjen shumë shpejt.
Të martën më 19 korrik, në orën 20:00, Tirana mirëpret në “Air Albania” ekipin boshnjak të Zrinjski, ndeshje e vlefshme për raundi e dytë të këtij kompeticioni. Kampionët e Shqipërisë kërkojnë me çdo kusht të kalojnë këtë pengesë, në të kundërt aventura e tyre në Evropë do të përkthehej në një dështim të madh.
Trajneri Shehi dhe stafi i tij kanë nisur punën për të përgatitur si duhet këtë përballje dyshe me ekipin boshnjak. Lajmi i mirë është rikthimi i Vesel Limaj, mungesa e të cilit ishte shumë e dukshme në sfidën e kthimit përballë Dudelanzh. As pjesa tjetër e ekipit nuk ndryshon, titullarët mbetën të njëjtë, fundja Shehi nuk ka opsione të tjerë pasi kryeqytetasit kanë mbetur në vend numëro kur bëhet fjalë për merkarto.
(BalkanWeb)
