E ardhmja e Thomas Strakosha mbetet ende e pa qartë. Mbi tavolinë qëndron oferta e Igli Tares, një rinovim i kontratës aktuale që i skadon në fund të sezonit, me terma financiarë të përmirësuar, por Strakosha kërkon më shumë se kaq, pikësëpari kërkon garanci në lidhje me rolin e tij, kërkon një fanellë titullari, diçka që Sarri nuk i premton.
Në këto kushte, Strakosha po shqyrton me kujdes të gjithë ofertat që kanë ardhur në drejtim të tij, mbi të gjitha ofertën e Newcastle. “Qymyrxhinjtë” po ndërtojnë një ekip nga e para dhe në më shumë se një herë kanë shfaqur interesim për Strakoshën.
Kjo duket vera e duhur për të joshur portierin shqiptar, për ti ofruar një pagë të majme, pasi Strakosha do të zbarkonte falas në ishull.
(BalkanWeb)