Deputeti i shtetit gjerman, Daniel Freiherr von Lutzow mund të jetë në shënjestër të sistemit të drejtësisë penale për shkak të përfshirjes në një festë në Cottbus që shkeli rregullat e pandemisë.

Sipas informacioneve të gazetës Postdamer, politikani 46-vjeçar tani po hetohet si i dyshuar sepse thuhet se ka kërcënuar zyrtarët e policise.

Siç është raportuar, kishte pasur sulme nga të ftuar agresivë kundër zyrtarëve të policisë, kur këta të fundit shkuan të ndalonin festën e ditëlindjes me nëntë pjesëmarrës më 27 dhjetor.

Dy oficerë u plagosën lehtë. Policia ishte thirrur nga fqinjët për zhurmë shqetësuese.

Kujtojmë se deputeti gjerman ka shërbyer në Kosovë si ushtar gjatë viteve 1999-2000.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb