TIRANË

Dy persona janë arrestuar në Tiranë dhe dy të tjerë janë proceduar penalisht për disa vepra penale të ndryshme pasi rastet nuk kanë lidhje me njëra- tjetrën.

Një 55-vjeçar është arrestuar pasi ishte shpallur në kërkim për dhunë në familje pasi Gjykata e Shkallës së Parë i kishte vaktuar masën arrest me burg. Një tjetër, B.Xh, 39 vjeç banues në Shijak u kap duke drejtuar mjetin në gjendje të dehur pa leje drejtimi.

Nga ana tjetër u procedua një 40- vjeçar i cili gjatë një sherri ka goditur me përforcues grushti metalik dy persona të tjerë.
Kurse një 21- vjeçar u procedua pasi në rrugën ”Ali Demi”, teksa drejtonte automjetin pa leje drejtimi përplasi një automjet dhe bëri dëshmi të rreme pasi prezantoi pasagjerin si drejtues të automjetit.

 

NJOFTIMI NGA POLICIA TIRANË

Ndalohet një 55-vjeçar i shpallur në kërkim.

Arrestohen në flagrancë 2 shtetas dhe procedohen penalisht 2 shtetas të tjerë, për vepra të ndryshme penale.

Specialistët e Seksionit të Kërkimit në Drejtorinë Vendore të Policisë Tiranë, në vijim të punës për kapjen e personave në kërkim dhe vënien e tyre para përgjegjësisë ligjore, kanë ndaluar shtetasin e shpallur në kërkim Q. S., 55 vjeç, banues në Tiranë. Për këtë shtetas, Gjykata e Shkallës së Parë Tiranë ka dhënë masën e sigurisë “Arrest në burg”, për veprën penale “Dhuna në familje”.

Në vijim të punës për monitorimin e zbatimit të masave kufizuese të shpallura për parandalimin e përhapjes së COVID-19, specialistët e Qarkullimit në DVP Tiranë arrestuan në flagrancë shtetasin B. Xh., 39 vjeç, banues në Shijak, pasi u konstatua në rrugën “Prokop Mina”, duke drejtuar mjetin tip “Peugeot”, në gjendje të dehur dhe pa leje drejtimi.

-Gjithashtu, nga specialistët e Qarkullimit Rrugor u bë arrestimi në flagrancë i shtetasit E. Sh., 21 vjeç, sepse në rrugën “Ali Demi”, duke drejtuar pa leje drejtimi mjetin tip “Benz” ka përplasur një automjet duke i shkaktuar dëme materiale dhe ka dhënë deklaratë të rreme përpara oficerit të Policisë Gjyqësore, pasi si drejtues mjeti ka prezantuar pasagjerin që kishte në mjet, shtetasin L. N.
Arrestimi në flagrancë i shtetasit E. Sh. u bë për veprat penale “Deklaratë e rreme përpara oficerit të Policisë Gjyqësore”, ”Veprime që pengojnë zbulimin e së vërtetës”, “Drejtim mjeti në mënyrë të parregullt” dhe “Largim nga vendi aksidentit”, ndërsa shtetasi L. N. u procedua në gjendje të lirë, për veprën penale “Deklaratë e rreme përpara oficerit të Policisë Gjyqësore” .

-Nga specialistët për Hetimin e Krimit në Komisariatin Nr. 3 u procedua penalisht, për veprat penale “Mbajtja pa leje e armëve të ftohta” dhe “Plagosja e lehte me dashje’’, shtetasi L. L., 40 vjeç, sepse në bulevardin “Gjegj Fishta”, pas një konflikti për motive të dobëta, ka goditur me përforcues grushti metalik, shtetasit G. H dhe E. M.

Materialet i kaluan Prokurorisë së Rrethit Gjyqësor Tiranë, për veprime të mëtejshme.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb