Detaje të reja kanë dalë në dritë nga sherri me thika në Sarandë.
Burime për “BalkanWeb” bëjnë të ditur se 43-vjeçari Ibrahim Duda ka plagosur me thikë 2 vëllezër të mitur.
Mësohet se njëri prej tyre, i identifikuar si K. G., 17 vjeç është dërguar në spital dhe ndodhet nën kujdesin e mjekëve.
Ndërkohë, policia ka shpallur në kërkim autorin Ibrahim Duda.
Njoftimi i Policisë
Në vijim të informacionit paraprak të dhënë më parë, ku shtetasi D. G., 16 vjeç, ishte paraqitur për ndihmë mjekësore në Spitalin e Sarandës, pasi dyshohet se për motive të dobta, është goditur me mjet prerës, ju bëjmë me dije se:
Në këtë konflikt është goditur me mjet shpues, në brinjë dhe shtetasi K. G., 18 vjeç, banues në lagjen nr.4 Sarandë, i cili po transportohet për mjekim më të specializuar në Spitalin e Tiranës.
Në vijim të veprimeve shërbimet e Policisë kanë bërë të mundur identifikimin e autorit, shtetasit I. D., i cili është shpallur në kërkim.
Shërbimet e Policisë po krehin zonën për të bëre të mundur kapjen e autorit.
Grupi hetimor ndodhet në vendngjarje dhe po punon per sqarimin e rrethanave të ngjarjes.
(BalkanWeb)