Krimineli i dënuar i luftës, Vojislav Sheshel, në programin e TV Happy, ka paralajmëruar presidentin e Malit të Zi, Milo Gjukanoviç.

Duke folur për zhvillimet që nga kalimi i Ligjit për liritë fetare, Sheshel akuzoi Gjukanoviçin ‘për sulm ndaj Serbisë dhe Rusisë’ dhe pastaj vazhdoi me kërcënime, raporton ‘telegraf’.

“Që nga Greqia e lashtë, ekzistonte një parim etik që vrasja e tiranit është një gjë pozitive dhe e justifikuar me moral. Kushdo që përdor forcë kundër njerëzve nuk do të ketë mëshirë ndaj tij. Unë nuk e mbroj likuidimin e tij, por e paralajmëroj atë. Nëse dikush e kishte paralajmëruar Çausheskun (presidenti i vrarë rumun) me kohë, ai mund të ishte larguar. Unë paralajmëroj Milo Gjukanoviç…”, citohet të ketë thënë krimineli serb Vojislav Sheshel.

Partia Demokratike e Socialistëve ka reaguar ndaj kërcënimeve të Sheshel, duke e quajtur atë një palaço që vazhdon me deklarime skandaloze pas daljes nga Haga.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb