Edhe pse kjo e diel është mbizotëruar nga reshje të dendura shiu në të gjithë territorin e vendit, qytetarët, nuk e kanë braktisur bregdetin.

Në fotot e siguruara nga LSA, shihen grupe njerëzish duke përshkruar bregdetin e Adriatikut. Me çadra në duar, ata shihen teksa shëtisin përgjatë rërës.

Në fotot në fjalë, qielli duket i gjithi gri nga “kapriçot” e motit.

Pista që të dërgon në mes të detit, është frekuentuar nga shumë pushues në këtë ditë të fundit të javës.

Ndërsa shezlonget, “vuajnë” nga prania e njerëzve. Sakaq, në një lidhje direkte për “News 24”, sinoptikantja Lajda Porja, tha se stuhia pritet të përfundojë brenda mbrëmjes së sotme, ndërsa shpejt, vendin do ia lë diellit dhe temperaturave që do të shkojnë deri në 35 gradë celsius.

Për më shumë ju ftojmë të ndiqni fotot e mëposhtme.