TIRANE-“Fshati Shikaj, ka rritur breza ndër vite dhe ndër shekuj”, thotë Kadri Morina, i cili ka sponsorizuar “Shikaj, vendlindja e jonë”.

Një libër kushtuar banorëve të Shikajt në Kukës, nga mjeku i fshatit. Është Hasan Ahmetaj, autori, që së bashku me donatorin, Kadri Morina, përmes këij libri promovojnë vendlindjen e tyre,vlerat e një krahine si ajo e Shikajve, për të cilën nuk është folur më parë. Histori, etnologji, gjuhësi, folklore, gjenealogji, “Shikaj, vendlindja e jonë” sheh dritën e botimit pas tre vitesh studimesh, gërmimesh, hulumtimesh e takime me njerëz të fshatit, të fushave të ndryshme.

“Është një fshat, i cili që në shekullin e II, sipas gojëdhënave e topologjive, ka qenë një qytet i tërë me kala, fshati ka pasur një rrugë për tu lidhur me atë që sot quhet Kalaja e Dukagjinit, për të dalë pastaj në Shkodër. Momentalisht në fshatin tonë ka shumë pak banorë, pasi fshati ynë ka pasur një rrjedhë historike që në vitet e kohës së komunizmit pati një dyndje të lëvizjes së tyre, pasi është bërë liqeni i Fierzës. Të gjithë emigrantët, të gjithë bijtë e atij fshati, po rikthehen, po ndërtojnë shtëpitë e tyre, po bëjnë ferma, po i japin zhvillim, po i japin edhe njëherë atë vitalitet që ka pasur më përpara”- shprehet Kadri Morina, president i “Eurosig” dhe “Insig”.

Libri është i ndarë në tre pjesë dhe disa kapituj. Në të, shpalosen të dhëna shkencore mbi emrin, territorin, relieving, ekonominë, ujrat, udhët, katundin, fiset, banorët, kujtime historike apo të dhëna folklorike.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: