Shirat e dendur në Turqinë veriperëndimore shkaktuan vërshimin e lumenjve dhe shembjen e urave të hënën ndërsa autoritetet punuan për të evakuuar banorët e bllokuar.

Ministri i Brendshëm, Suleyman Soylu tha se nuk kishte raporte për vdekje apo të zhdukur.

Roja bregdetare e Turqisë shpërndau video të një shpëtimi me helikopter, me një oficer që ngrinte një grua nga çatia e ndërtesës së saj në një fshat në provincën Kastamonu, ndërsa uji vërshonte poshtë tyre.

Autoriteti turk i emergjencave dhe fatkeqësive AFAD tha se më shumë se 2,550 personel ishin vendosur në gjashtë provinca të prekura nga shirat dhe dhjetëra ishin evakuuar. Është shpallur “alarm i kuq” meteorologjik.

Përmbytjet në tre provinca veriperëndimore turke gushtin e kaluar vranë 82 persona.