Policia e Tiranës ka arrestuar një 43-vjeçar, i cili akuzohet për prodhim dheshitje të drogave të forta, konkretisht të llojit kokainë.


Në pranga ka rënë shtetasi F. Sh., i cili sipas uniformave blu, e shiste lëndën narkotike në rrugën “Xhanfize Keko”, te vendi i quajtur “Varr i Bamit”.


Njoftimi i policisë:


Tiranë

Finalizohet operacioni policor antidrogë i koduar “DRIVER” në fushën e tregëtimit të drogave të forta.

Arrestohet në flagrancë 1 shtetas.

Sekuestrohet lëndë e dyshuar narkotike kokainë, automjet dhe aparat celular.

Në vijim të punës për parandalimin dhe goditjen e paligjshmërive në fushën e natkotikëve, Seksioni për Hetimin e Narkotikëve në D.V.P Tiranë, kanë organizuar dhe finalizuar operacionin policor “DRIVER”, ku u godit një rast i prodhimit dhe shitjes së drogave të forta, konkretisht e llojit kokainë, si rezultat i të cilit u bë arrestimi në flagrancë i shtetasit:

– F. Sh., 43 vjeç banues në Tiranë.

Nga informacione të siguruara në rrugë operative, nga Seksioni për Hetimin e Narkotikëve në D.V.P Tiranë se në rrugën “Xhanfize Keko” në vëndin e quajtur “Varri i Bamit” shtetasi F. Sh merrej me tregtimin e drograve të forta, kryesisht Kokainë, është organizuar puna dhe po në këtë vend gjatë kontrollit të ushtruar ,në automjetin tip “Benz” me drejtues shtetasin F. Sh, iu gjet dhe sekuestrua në cilësinë e provës materiale 106.8 gram lëndë e dyshuar narkotike e llojit kokainë e cila u sekuestrua në cilësinë e provës materiale së bashku me automjetin dhe me 1 aparat celualar.

Materialet i kaluan Prokurorisë të Rrethit Gjyqësor Tiranë për veprën penale “Prodhimi dhe shitja e narkotikëve” në ngarkim të shtetasit F. SH.

485af078 4951 4df9 B07d 4751c4d0055c
485af078 4951 4df9 B07d 4751c4d0055c

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb