ITALI- Shkatërrohet një bandë shqiptare që merrej me trafik prostitucioni në Itali, ndërsa në pranga kanë rënë 22 persona. Mediat italiane raportojnë sot se grupi kriminal akuzohet për “Shfrytëzim të rëndë prostitucioni”.

Aksioni për arrestimin e kësaj banesë u realizua nga policia e Milanos, ndërsa kontrolle u ushtruan në të gjithë Lombardinë. ‘Milano Today’ shkruan se të gjithë të arrestuarit janë shqiptarë, përveç një gruaje rumune, ndërkohë që nuk dihet ende identiteti i tyre. Po ashtu policia sekuestroi edhe 25 mijë euro.

Mësohet se grupi në fjalë shfrytëzonte vajzat për prostitucion në zonat Brianza dhe Comos. Sulmimi për të arrestuar ata u krye në të gjithë Lombardinë.
(ed.me/BalkanWeb)