Griezmann tek Juventus dhe Dybala tek Barcelona, ky është lajmi i bujshëm që vjen nga Franca. Sipas “L’Equipe” klubi blaugrana është i gatshëm ti ofrojë bardhezinjve shërbimet e sulmuesit francez në këmbim të fantazistit argjentinas.

Kjo lëvizje e re vjen fill pas ndërlikimit të tratativave për të rikthyer Griezmann tek Atletico Madrid ku pjesë e shkëmbimit parashikohej kalimi i Saul Niguez në “Camp Nou”. Ekipi i madrilen së fundmi ka marrë disa oferta të rëndësishme nga Premier League për mesfushorin dhe po i shqyrton me qetësi.

Dybala
Dybala

Dybala nuk është një emër i panjohur në shtëpinë e Barcelonës, edhe më herët drejtuesit e klubit janë interesuar për shërbimet e numrit dhjetë.

Gjithnjë sipas të përditshmes franceze, shkëmbimi Dybala-Griezmann për momentin është thjeshtë një ide, nuk ka asgjë konkrete, për më tepër që me rikthimin e Allegri, klubi bardhezi po punon për të rinovuar kontratën me Dybala.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb