Policia e Tiranës ka njoftuar se një ashensor është shkëputur nga nga kati i pestë i një pallati dhe ka përfunduar në katin zero.

Ngjarja ka ndodhur në zonën e “Unazë të Re”, ndërsa brenda ashensorit kanë qenë një çift bashkëshortësh.

BalkanWeb mëson se të gruaja ka përfunduar në spitalin e Traumës ku është jashtë rrezikut të jetës, ndërsa bashkëshorti i saj nuk ka pësuar dëmtime.

Kujtojmë se gjendja e ashensorëve kontrollohet nga Agjencia e Mbikëqyrjes se Tregut.

Njoftimi i policisë: 

Tiranë/Informacion paraprak

Më datë 06.02.2023, në Unazë të Re, në rrugën “Aleksandri i Madh”, ka pësuar defekt ashensori i një pallati dhe ka rënë nga kati i pestë në katin zero. Në të ndodheshin shtetasi S. K., 56 vjeç, dhe shtetasja S. K., 55 vjeçe (çift bashkëshortësh).

Në ndihmë të tyre kanë vajtur shërbimet e Policisë, shërbimet e zjarrfikëses dhe të ambulancës.

Si pasojë, shtetasit e lartpërmendur janë dëmtuar dhe ndodhen në spital, nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të ngjarjes.

(BalkanWeb)