Në Nion të Zvicrës u hodh shorti që përcaktoi grupet në edicionin 2020/2021 të Europa League. I vendosur në vazon e tretë, Milani nuk kishte shumë fat në zgjedhjen e goglave, të cilat e vendosën skuadrën kuqezi në Grupin H bashkë me Sëlltik, Spartën e Pragës dhe Lilën.

Më i lehtë ishte shorti për dy skuadrat e tjera italiane që hyjnë në këtë fazë të Ligës së Europës, Roma dhe Napoli, përkatësisht në Grupin A dhe Grupin F. Një tjetër grup shumë I fortë dhe ekuilibruar është Grupi D, ku bëjnë pjesë Benfika, Standarti Liezhit, Rejnxhërs dhe Lek Poznan.

Përpara hedhjes së shortit, UEFA zgjodhi edhe lojtarin më të mirë të edicionit të shkuar në Europa League. Trofeu u fitua nga sulmuesi i Interit, Romelu Lukaku.
(balkanweb)