Pas mbarimit të “Big Brother VIP Albania” do të ketë edhe tre puntata të tjera post “Big Brother VIP”, ku të gjithë pyetjet e publikut do të marrin përgjigje.
Mbrëmjen e kaluar janë xhiruar puntatat e post “Big Brother VIP”, por duket se nuk kanë shkuar dhe aq mirë sa pritej.
Mësohet se në studio kanë plasur debate mes Fifit dhe Arjolës, Einxhelit, Semit e Arditit. Pas kësaj thuhet se Fifi ka vendosur të lërë spektaklin e të largohet menjëherë, ndonëse Arbana është shprehur pas publicitetit se këngëtarja u largua pasi nuk ka qenë në gjendje të mirë shëndetësore.
Por nuk ka mbaruar me kaq, pasi gjithashtu thuhet se një debat tjetër ka nisur mes Antonelës dhe Big Mamës, ku kjo e fundit është larguar nga spektakli.
Kujtojmë që mësohet se edhe aktori Donald Veshaj e këngëtarja Beatrix Ramosaj, nuk do të jenë pjesë e emisionit. Vëllezërit Veshaj janë përplasur me produksionin e Top Channel, pas shpalljes së Ilir Shaqirit si fitues.