TIRANE– Ish-ministri i Brendshëm, Dritan Demiraj përmes një statusi në faqen e tij të ‘Facebook’-ut ka reaguar lidhur me deklaratën e ministrit e ministrit grek Nicos Kotzias se homologu i tij shqiptar ka pranuar zgjedhimin me 12 milje të hapësirës detare.

Demiraj theksoi se ministri Bushati nuk i qartësoi këto vendime në daljet e tij publike të ditës së djeshme, pasi ky i fundit ishte i ftuar në ‘Studio e Hapur’ në “News24” ku foli për marrëdhëniet me Greqinë. Mes të tjerash ish-ministri teknik i emëruar nga PD, tha se mungesa e transparencës së bisedimeve Greqi-Shqipëri mund të paralajmërojë vendime penalizuese për territorin e Republikës së Shqipërisë.

REAGIMI I DEMIRAJT
Të dashur miq,
Deklarata e ministrit grek Kotzias se ministri i Jashtëm i Shqipërisë, z. Ditmir Bushati ka pranuar zgjerimin me 12 milje të hapësirës detare të Greqisë, që përkthehet në brendësi të territorit detar të Shqipërisë është së paku shqetësuese.
Shqetësuese është fakti që këto lajme, po ashtu si dhe për mos bisedimin e çështjes Çame në tryezën e dy ministrave të Jashtëm, e mësojmë nga zyra e shtypit të ministrisë së Jashtme greke.
Ministri Bushati nuk i qartësoi këto vendime në daljet e tij publike të ditës së djeshme.
Mungesa e transparencës së bisedimeve Greqi-Shqipëri mund të paralajmërojë vendime penalizuese për territorin e Republikës së Shqipërisë. Si qytetar dhe si njeri që i ka shërbyer vendit në shumë sfida sigurie, kërkoj transparencë të plotë të bisedimeve, duke filluar me zbardhjen e proçesverbaleve të takimeve dy palëshe. DD.
(ed.me/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: