BAZEL
Pas ngjarjes së rëndë ku mbeti i vdekur vogëlushi shqiptar Ilias.M në Zvicër, një nga banorët e lagjes ku ndodhi ngjarja ka ndërmarrë një nismë humane.
Në lagjen ku e moshuara qëlloi me thikë 7-vjeçarin po punohet për të mbledhur firma nga qytetarët, ndërsa e gjitha kjo ka për qëllim ngritjen e një pllake përkujtimore.
“Unë dhe shumë njerëz të tjerë kërkojmë me këtë peticion që qyteti i Bazelit në vendin e fatkeqësisë, në St.Galler-Ring në Bazel të ndërtojë një pllakë përkujtimore për Iliasin”, kështu është shprehur iniciuesi i mbledhjes së firmave. Djali shqiptar u godit me thikë nga e moshuara me 22 mars në kohën kur po kthehej nga shkolla.