Është identifikuar dhe pezulluar nga detyra polici, që u shfaq në një video, duke dhunuar një të mitur në një nga rrugët e Tiranës.
Mësohet se është pezulluar nga detyra polici G. N., ndërsa uniformat blu vijojnë të grumbullojnë dhe analizojnë të gjitha provat dhe në fund te hetimit do jepet masa sipas shkallës së shkeljes.
Videoja e dhunës u publikua në rrjetet sociale, ku policët e shtrinin në tokë djalin dhe e dhunonin. Policia njofton se dy të miturit kishin dalë për të shëtitur me biçikletë jashtë orarit të lejuar, ndaj dhe janë ndëshkuar me gjobë.
Njoftimi i policisë:
Pas publikimit të një videoje në rrjetet sociale, ku shfaqet punonjës policie, i cili ka kryer shkelje të Rregullores së Policisë së Shtetit, Drejtoria e Standardeve Profesionale dhe DVP Tiranë, pas verifikimeve të kryera dhe hetimit të bërë, pezulloi nga detyra punonjësin e Policisë G.N, pranë Patrullës së Përgjithshme të Komisariatit të Policisë Nr. 2.
Drejtoria e Standardeve Profesionale do të grumbullojë dhe analizoje të gjitha provat dhe në fund te hetimit do jepet masa sipas shkallës së shkeljes.
Gjithashtu, Policia e Shtetit ka ndeshkuar me mase administrative sipas Aktit Normativ, 2 te rinjte qe u konstatuan se kishin thyer orarin e ndalim-qarkullimit dhe kishin dale per shetitje me biçiklete, ne shkelje te masave per parandalimin e pandemise COVID-19.
Policia e Shtetit dënon ashpër veprime të tilla që cenojnë imazhin e Policisë tek qytetarët dhe fton cilindo që të denoncojë çdo rast të cenimit të figurës së punonjësve të Policisë apo të abuzimit me detyrën, duke u garantuar reagim të menjëhershëm e të paanshëm.
(BalkanWeb)
