Ministria e Infrastrukturës dhe Energjisë ka shtyrë për herë të dytë afatin për dorëzimin e ofertave të kompanive që kanë interes për të ndërtuar segmentin 115 kilometra të gjatë të autostradës Milot-Fier. Gara për rehabilitimin e aksit ekzistues nga Lushnja në Fier dhe ndërtimi i 53 kilometrave rrugë të re Milot-Lekaj u hap më 9 Korrik ndërsa ishte lënë si afat dhenia e ofertave brenda datës 28 Shtator, por ministria e ka shtyrë sërish për në datën 9 Nëntor.

Qeveria përllogarit që kompania e cila do të ndërtojë rrugën prej 53 kilometrash nga Miloti në Lekaj dhe do të rehabilitojë segmentin ekzistues prej 62 kilometra nga Lushnja në Fier duhet të investojë 1.18 miliardë Euro me fondet e veta të cilat më pas do ti kthehen përmes tarifës që do të vendosen për automjetet që do të kalojnë në këtë aks. Buxheti i shtetit i garanton kompanisë vetëm 10% të vlerës së investimit jo më shumë se 121 milionë Euro në 16 vitet e para.

Në dokumentat e publikuara që argumentohet edhe shtyrja e afatit janë bërë edhe disa ndryshime për specifikimet teknike lidhur me operatorët. Këto specifikime lidhen me gjatësine e urave, vëllimi i punimeve me beton apo dhe punimet me shtres asfalti.Paralelisht me ndërtimin e aksit të ri i cili do të jetë i kategorisë së një rruge me shpejtësi të lartë do të ndërtohen edhe rrugë dytësore për automjetet që do të zgjedhin të udhëtojnë pa pagesë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb