Ursula Corbero është aktore dhe modele spanjolle. Ajo u njoh nga publiku fillimisht me rolin e saj, si Ruth Gomez në “Fisica o Quimica” (2008-2010), që pasoi disa projekte të tjera filmike, por ai vendimtari, i cili e bëri aktoren të njohur kudo në botë, ishte roli i Tokyo-s në serialin “La Casa de Papel”.

Personazhi kompleks, rebel dhe i zhurmshëm i Tokyo-s, që është protagonist dhe njëkohësisht edhe ai që “rrëfen” historinë në çdo seri, u bë shumë shpejt ndër të preferuarit e ndjekësve të serialit, i cili numëron me miliona fansa kudo nëpër botë.

Sidoqoftë, Ursula nuk ka patur gjithnjë pamjen seksi dhe deri diku “të egër”, ashtu sikurse shfaqet te personazhi “Tokyo”.

– Me flokët e çelur e të gjatë dhe një buzëqeshje ëngjëllore, “Tokyo” duket shumë larg ëmbëlsisë në portretin e aktores.