Pra, ju sapo përfunduat atë që e keni menduar si një projekt të madh në punë, dhe tani shefi juaj është duke renditur të gjitha gjërat që ju nevojiten për të përmirësuar atë. Mos u dekurajoni; kritika konstruktive është pjesë e rëndësishme e çdo pune. Nëpërmjet kësaj,mësoni se si të pranoni kritikat dhe bëni mirë punën tuaj.

Pranoni se ju nuk jeni të përsosur. Nëse ju filloni çdo detyrë duke menduar se asgjë nuk do të shkojë keq, ju jeni duke u tallur me veten. Ju do të bëni gabime. Gjëja e rëndësishme është të mësosh prej tyre.

Kontrolloni dyfish punën tuaj. Pasi të keni mbaruar, dhe para se t’ja dërgoni atë eprorit tuaj, të jeni i sigurt që ju keni bërë çdo gjë me kujdes. Kjo mund t’ju ndihmojë për të shmangur gabimet dhe t’ju sigurojë që shefi juaj nuk do ju shqetësojë në lidhje me probleme të vogla.

Mos e merrni çështje personale. Nëse bashkëpunëtori juaj ka kritika për ju, kujtojeni veten tuaj se kjo nuk do të thotë se ajo / ai nuk ju pëlqen, apo që ju nuk jeni mjaftueshëm të mirë në punë. Bashkëpunëtori juaj është thjesht duke u përpjekur të sigurohet se ju po bëni punën më të mirë të mundshme.

Dëgjoni me kujdes. Nëse ju injoroni komentet kritike, ju jeni i dënuar të përsërisni të njëjtat gabime. Merrni shënime dhe vazhdimisht mendoni se si mund të zgjidhni problemin. Ky është hapi më i vështirë, pasi mund të nënkuptojë pranimin e përgjegjësisë së dikujt në punë të lidhura me gabimet e po këtij personi.

Pyesni veten se çfarë mund të mësoni nga këto kritika. Nëse ju e ndjeni veten gati të inatosur, përsërisni pyetjen “Çfarë mund të mësoj ? “.

Pajtohuni me pjesën e kritikës. Kur ballafaqohen me kritika, shumica e njerëzve fokusohen në pjesën e reagimeve negative që mund të mos jenë të vërtetë dhe të injorojnë pjesën tjetër. Kjo nuk do të zgjidhë ndonjë problem, dhe ju nuk do mësoni asgjë. Kur ju jeni dakord me një pjesë të kritikës, ju jeni i hapur ndaj të mësuarit. Ju nuk duhet të bini dakord me gjithçka; madje edhe duke rënë dakord me një aspekt të vogël të kritikës do të krijoni një atmosferë bashkëpunuese në punë. Fokusi pastaj qëndron në faktin se si ju do të punoni së bashku për të zgjidhur një problem, i cili do të ulë ndjenjën tuaj të të qënit i sulmuar.

Analizoni dhe vlerësoni atë që keni dëgjuar. Ju duhet kohë për procesin e informimit, të përcaktoni nëse kjo është një kritikë e vlefshme dhe të vendosni se çfarë do të bëni për të zgjidhur problemin apo korrigjuar gabimin. Nëse kjo është një ankesë që ju keni dëgjuar në mënyrë të përsëritur, ju mund të mësoni nga situata në mënyrë që mos ndodhë përsëri.

Mos mbani mëri. Qëndrimi i inatosur / mërzitur në lidhje me kritikat mund të ndikojë në punën tuaj të ardhshme. Hiqini gabimet nga mendja tuaj dhe përqendrohuni në kryerjen e një punë të ardhshme sa më të mirë.

Mbani mend! Çdo gjë që ndodh, ndodh për një arsye. Nëse një bashkëpunëtor i caktuar nuk është shumë i ngrohtë me ju, ose shefi juaj sapo e titullon si “punonjësi i muajit”, atëherë kjo zakonisht do të thotë se është një gjë e mirë, sepse diçka shumë më e mirë do jetë duke ardhur për ju.

Shuajini problemet. Nëse jeni i mërzitur me mënyrën se si bashkëpunëtori juaj ju kritikon, lëreni atë t’ju njoh sa më shpejt që të jetë e mundur, kështu që mos ketë ndjenja të këqija mes jush. Shpjegoni pse jeni mërzitur me të, dhe sugjeroni ndryshime që mund të forcojnë marrëdhënien tuaj.

Prano faktin që të tjerët mund të shohin diçka që ju nuk e shihni dot. Edhe nëse ju nuk jeni dakord me kritikat, të tjerët mund të shohin diçka që ju nuk jeni ende të vetëdijshëm. Ata thonë se ju jeni negativë apo autoritar, dhe ju nuk mendoni kështu; ndoshta ju jeni dhe thjesht nuk e vini re. Pranoni faktin se të tjerët mund të kenë të drejtë, dhe përdoreni këtë mundësi për të njohur më mirë vetveten.