Sidrit Bejleri është sot një ndër këngëtarët më të njohur të muzikës shqiptare, por e dini se si dukej ai në fëmijëri?
Ditën e djeshme, artisti duket se është bërë nostalgjik dhe ka publikuar në llogarinë e tij në Instagram një imazh, në të cilin shihet se është ende i vogël.
Në foton e vjetër bardh e zi, Sidriti shihet i veshur me një xhaketë e me një kapuç në kokë, ndërkohë që duket njëlloj si sot.
“Na ishte njëherë…1978”, shkroi Bejleri krahas postimit që ndau me ndjekësit e tij.
Fotoja mori shumë pëlqime, ashtu si edhe komente, shumica prej të cilëve shkruanin se këngëtari nuk ka ndryshuar fare, e të tjerë që i vinin në dukje vetëm flokët si ndryshimin e vetëm.
Sidriti sot është baba i tre fëmijëve që erdhën në jetë nga martesa me bashkëshorten e tij.
Herë pas here, ai ndan në rrjetet e tij sociale foto familjare.
Këngëtari u bë baba për herë të tretë në vitin 2019, kur familjes së tij iu bashkua edhe Ejna.
Ndërkohë, Ejna ka edhe një vëlla, Amad, dhe një motër, Emel.