Rafinha që prej mbërritjes së tij në janar te Inter ka treguar pasion për ngjyrat zikaltër, si me impenjimin në fushën ashtu edhe më fjalët në intervista. Për këto arsye braziliani ka fituar edhe simpatinë e tifozëve të cilët shpresojnë që klubi ta blejë përfundimisht nga Barcelona.

Ndërkohë, në ndeshjet e fundit që Inter luajti kundër Atalantës, Rafinha është parë shumë i dëshpëruar. Mesfushori qëndroi në fushë për 71 minuta dhe pak para se të dilte nga loja humbi një rast ideal për të dërguar topin në rrjetë.

Sapo Eder mori vendin e tij Rafinha u pa të largohej drejt stolit tejet i mërzitur. Ai nuk i dha dorën asnjërit prej shokëve të skuadrës, duke ulur kokën në pankinë. Pas disa minutave, në momentin që ngriti kokën Rafinha sipas mediave italiane u pa t’i kishte sytë me lot.

30708664_10155607359038865_6670456240755179520_n

Inter nuk shkoi më shumë se një barazim 0-0 në Bergamo duke kompromentuar mundësitë për t’u kualifikuar në “Champions League” sezonin e ardhshëm.

(e.k/BalkanWeb)

Etiketa: