Një ngjarje e papranueshme ka ndodhur mbrëmë në stadiumin “Nizhny Novgorod” gjatë ndeshjes së Botërorit mes Argjentinës dhe Kroacisë.

Disa tifozë argjentinas të mërzitur me ekipin e tyre pasi po humbiste ia kanë nxjerrë inatin mbështetësve kroatë. Në një nga tunelet e stadiumit ata kanë sulmuar 2 tifozë ballkanas, me njërin prej tyre që bie në tokë.

Momentet tronditëse nuk mbarojnë me kaq, pasi edhe pse i shtrirë në tokë një tifoz argjentinas vijon ta godas me shqelm në kokë kroatin.

Normalizimi i situatës ka ardhur pas ndërhyrjes së rojeve të sigurisë, por pa dyshim që ky akt nuk ka aspak lidhje me futbollin.

Kujtojmë që Argjentina u mposht me shifrat 3-0 nga Kroacia duke komplikuar ndjeshëm kalimin e tyre nga grupi.

(e.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb